Bigarren Hezkuntza

Gure familiekin gertutasuna mantentze aldera, honakoa egiten dugu:

1.- FAMILIEKIN BILERAK

Irakasle taldeak familiak elkartzeko datak adierazten ditu eta zirkularra Alexia bidez bidalita egiten dugu deialdia.

Normalean, iraileko bigarren edo hirugarren astean zehar egin ohi dugu deialdia, tutoreek bilera aurretik haien ikasle taldeei buruzko ezagutza handiagoa izan dezaten.

2.- ELKARRIZKETAK FAMILIEKIN

Familiekin topaketak hauetakoren baten eskariz egiten dira:

• Tutorea.
• Irakasle taldeko edozein kidek, ikaslearen gelan aritzen bada.
• Familiek, semearen edo alabaren bidez zuzenean hitzordua eskatuz tutoreari edo intereseko irakasleari.
• Ikastetxeko Zuzendaritzak, Administrazioak eta beste zerbitzu batzuk: ikasturte bakoitzaren hasieran adierazitako ordutegiaren barruan.

3.- EBALUAZIO AKADEMIKOA

Ebaluazioa banakakoa da, iraunkorra, globala eta hezigarria. Zeregin horretan irakasle talde osoak parte hartzen du.

Ebaluazioak kalifikazioen buletin digital batean paratzen ditu tutoreak, eta gure familiek ikastetxeko komunikaziorako plataforman kontsulta dezakete: ALEXIA

Bigarren Hezkuntzako ikasleek istripuetarako eta erantzukizun zibileko aseguru bat dute.

Ikastetxeko Erizaintza Zerbitzuak artatu ezin dituen istripuak horrela bideratuko dira:

1. Clinica Quironen (La Esperanza kalea, 3), DBHko 1. eta 2. maila.
2. SSCCaren bidez Txagorritxun edo Santiago Ospitalean, DBHko 3. eta 4. mailan.

Bigarren hezkuntzan zehar, San Viator Ikastetxeko DBHko ikasleek murgiltze linguistiko indartuaz gozatzen dute.

Alde batetik, lantaldeek (Hizkuntzen Tratamendu Integratua (HTB-TIL) eta hizkuntzen mintegiek (Euskal Mintegia, Gaztelania eta Literatura Mintegia, English Studies, Frantsesa eta Alemana) egiten duten lanari esker, hizkuntzen ohiko erabilera sustatzen dugu eta hizkuntzen arteko oreka mantentzen saiatzen gara.

Bestetik, Europako Erreferentzia Marko Bateratuan (EEMB) ezarritako mailak bermatzeko gure ikasleei eskaintzen dizkiegun jardueretan parte hartzeko aukerei esker: Cambridgeko deialdi ofizialak (S299 Azterketa Zentro gisa), Frantziak eta Alemaniak atzerriarekin antolatzen ditugun trukeak eta murgiltzeak, edo beste erakunde batzuek elkarlanean egiten dituzten beste jarduera batzuk (Barnategiak, Gasteiztxo, tailerrak…).

Aro digitalean, hezkuntzak eta teknologiak eskutik helduta joan behar dute eta ikasleak ikaskuntza-zentroan kokatuko dituzten proposamen pedagogiko berritzaileak sortzen lagundu behar dute.

Bigarren Hezkuntzako etaparen helburua ikasleen ikaskuntza erraztea da. Horretarako, etapak pixkanaka aurrera egiten du gure ikasgeletan metodologia aktiboak aplikatzen: lan kooperatiboa, proiektuetan oinarritutako ikaskuntza, mindfulness…